Qytetari Korab Shehi ka denoncuar dhunën e ushtruar nga policë me maska dhe me armë, në orët e para të mëngjesit të sotëm në Dibër.
Dhuna e policies, e cila provohet edhe nga pamjet filmike, nuk ka kursyer edhe gratë dhe fëmijët.
“Ishte ora 03.00 e mëngjesit. Unë rri në katin e parë dhe në katin e dytë dhe të tretë i kishin thyer dyert të gjitha.
Kur dola unë ata po zbritnin poshtë. Ishin me maksa, kallashnikov dhe gjithçka. Në atë kohë u thashë: Çfarë është? Jo skemi punë, më tha kush je.
I thashë emrin, pastaj ata shkuan te nusja e kushëririt. Ngaqë e dija që ishte me 3 fëmijë të vegjël shkova atje.
Kur shkova atje, ata aty më shtynë, nuk më lanë dhe më përplasën për mur. Nuk më lanë që të shkoj aty.
E dija që kishte për ti rënë të fikët nuses së kushëririt. Asaj i ra të fikët në rrugë, ndërsa djali i kushëririt shkoi të marrë makinën, policët i thanë; lere të vdesë në rrugë, sepse i ra të fikët në rrugë. Policët na kanë godit mua dhe djalin e kushëririt, na kanë rrahur. i kanë future dhe në furgon dhe i kanë rrahur me shkop gome, plus që e kanë godit dhe në fytyra”, thotë ai.
Ndërkohë në një tjetër denoncim, kreu i FRPD-së, Belind Këlliçi shprehet se policia me urdhër të Sander Lleshit mbrëmë ka terrorizuar një ndër familjet më të nderuara të Dibrës, familjen Kaloshi.
Sipas Këlliçit, policia ka arrestuar kryetarin e FRPD Dibër Jeton Kaloshin dhe xhaxhain e tij Ymer Kaloshin, si dhe Arif Kaloshin sëbashku me dy djemtë e tij Eraldin dhe Arditin.
“Në vend që Sandër Lleshi të arrestojë Agen, Keshin e të gjithe ata kriminelë që blenë votat në Dibër, arreston 5 anëtarë të një prej familjeve më dinjitoze, fisnike dhe kurajozë të Dibrës.
Diktatura ka pllakosur vendin!”, shkruan Këlliçi.
