Ish-ministri i Drejtësisë, Ylli Manjani, ka qenë mjaft i ashpër në reagimin e tij të radhës në Facebook, ku ju në thirrje qytetarëve se nesër nuk ka asnjë justifikim, duhet të zgjedhin mes diktaturës dhe demokracisë.
Në reagimin e tij Manjani u kërkon qytetarëve që nesër duhet të vendosin dhe të mos merren me justifikime jo nuk e dua diktaturën, por s’kam se çfarë të bëj.
Ja postimi i Manjanit:
Ju bëjnë presion bisneseve që të votojnë partinë shtet?!
E ç’a pastaj?!
Ça do me thënë kjo?! Që sa gjynah ata të shkretët, ti falim e ti lejmë të votojnë?!
Jo or jo!
Kush do diktaturën shkon e voton e s’i jep askujt llogari. Po ashtu kush do demokracinë nuk ja hedh as qyrret pleh-votimeve të partisë shtet!
Është fare e thjeshtë. Nuk ka asnjë komplikim. O me diktaturën, o me demokracinë.
Rrugë të mesme nuk ka!
Hesapet i bën secili me kokë të vet. Nëse për të bërë bisnes me paret e tua nuk mjafton për të kuptuar nevojën për demokraci, është e kotë që ti mbajmë hallin ne të tjerët.
Varianti që “nuk dua po skam ç’bëj”, nuk bën punë fare. Po aspak!
Ndaj boll me variante e skema. Është momenti të ndahet njëherë e mirë kjo punë, që edhe politika të mos ketë iluzione demokracie me skema e me të shkelme syri!
Edhe njëherë:
Kush voton nesër i shërben vetëm dikaturës dhe pikë…
