Kancelarja gjermane Angela Merkel ka shfaqur të njëjtin problem shëndetësor me dridhje të forta gjatë një ceremonie në Berlin, tetë ditë pas një incidenti të ngjashëm.
Video tregon znj. Merkel, 64 vjeç, duke kapur duart teksa trupi i saj po dridhej. Pas rreth dy minutash, ajo dukej më e qëndrueshme dhe shtrëngoi dorën me ministrin e ri të drejtësisë, Christine Lambrecht.
Për këtë rast, ajo u shpreh se gjithçka kishte ndodhur për shkak të dehidratimit dhe se ishte ndjerë më mirë pasi kishte pirë pak ujë.
Zëdhënësi i Merkel i pyetur nga gazetarët nëse ajo do të jetë e pranishme në samitin e G20 në Japoni që do të mbahet këtë fundjavë, u përgjigj se Kancelarja është mirë dhe gjithçka do të vazhdojë sipas planifikimeve.
