Ish-ministri i Drejtësisë, Ylli Manjani, ka qenë mjaft i ashpër në reagimin e tij, pas deklaratave të bëra nga zv.Ndihmës Sekretari Amerikan i Shtetit, Matheë Palmer se mbështet Rilindjen që zgjedhjet të bëhen në 30 Qershor.
Në reagimin e tij Manjani shkruan se SHBA-të mund ta bombardojnë edhe mund ta pushtojnë Shqipërinë, por nuk ka raketë dhe tank amerikan që rrëzon Kushtetutën e Shqipërisë.
Ja postimi i Manjanit:
E kam të pamundur të besoj se SHBA aspiron Shqipëria të:
- Mos ketë Kushtetutë dhe Institucione.
- Mos ketë zgjedhje demokratike me alternativa, të lira të ndershme e mbi të gjitha paqësore.
- Mos ketë fare opozitë, por vetëm një njeri që barazohet me një parti të vetme.
- Mos ketë pushtete të ndara e të pavarura.
- Mos ketë rënie të qeverisë kur kapet në flagrancë duke vjedhur vota e pasuri.
- Mos ketë ushtri që nuk përzihet në punët civile.
- Polici që zbaton ligjin dhe jo urdhërin politik.
- Mos ketë sundim të ligjit dhe hierarki të autoritetit shtetëror.
E kam shumë shumë të vështirë të mendoj se zgjedhjet e paligjshme të partisë së Edi Ramës janë më rëndësishme se konflikti i tyre me Iranin apo qoftë dhe beteja tregëtare me Kinën.
E kam shumë të vështirë të besoj se SHBA pranon marrje të pushtetit pa zgjedhje!
Nuk e besoj dot që një vend anëtar i NATOS lejohet një përplasje civile midis njerëzve krejt pa faj!
Nuk gjej dot asnjë arësye të justifikojë ato fjalë që vijnë ende si thashethem për rëndësinë e votimeve moniste të Edi Ramës!!!
E pamundur!
E pabesueshme!
Shpresoj shumë që ky të jetë një lapsus.
Megjithatë, ata mund të na bombardojnë, të na shuajnë apo nuk e di se çfarë tjetër. Janë ushtri e fortë, pa dyshim!
Por nuk ka top, tank, gjyle e rraketë që e kundërshton dot Kushtetutën e këtij vendi, sipas të cilës zgjedhjet vendore janë vendosur tashmë për me datën 13 Tetor 2019.
Mund ta kundërshtojnë Ilir Metën, por kjo është Kushtetuta e këtij vendi, jo e udhëheqësve as e ambasadorëve!
