Tensionet e zgjedhjeve, përfaqësuesi i KE-së vizitë blic në zyrën e Metës.
Përfaqësues të Këshillit të Europës kanë zhvilluar një takim me Presidentin, Ilir Meta, lidhur me krizën politike në vend.
Sikundër raportohet, pjesë e diskutimeve ka qenë edhe dekreti i Metës për anullimin e zgjedhjeve të 30 qershorit.
Burimet bëjnë me dije se Kreu i Shtetit ka sqaruar përfaqësues të KiE mbi vendimin, duke bërë një arsyetim të plotë, të dekretit që anullon zgjedhjet.
Gjatë paradites kreu i Shtetit ka zhvilluar takime me Lulzim Bashën (PD), Petrit Vasilin (LSI), Paskal Milo (PDS) dhe drejtues të partive të vogla, ndërsa kryeministri Edi Rama ka refuzuar ftesën e Presidentit me argumentin se është në fushatë.
KiE një ditë më parë njoftoi tërheqjen e vëzhguesve të saj që do të vinin në Tiranë më 30 qershor për vëzhgimin e zgjedhjeve.
Sipas KiE, shkak për këtë tërheqje është pasiguria në disa zona.
Por duket se vendimi, tërësisht politik, është një refuzim që i bëhet një procesi votimesh pa pjesëmarrjen e opozitës dhe pa një garë reale mes kandidatëve.
E konfirmon edhe OSBE/ Vëzhguesit e KiE nuk do të monitorojnë votimet e 30 qershorit