Gazetari Arian Çani i qenë prezent në studion e emisionit “Open” në TCH ka bërë një analizë për situatën politike në vend.
Sipas Çanit, në Shqipëri ka 30 vjet që vidhen votat me të gjitha mënyrat dhe jemi i vetmi vend që diskutojmë akoma për të drejtën e votës.
Çani theksoi se duhet që të ketë të vrarë për votën e lirë pasi vetëm në këtë mënyrë Shqipëria mund të bëhet.
“Më thoni një vend në botë që ka fituar lirinë dhe të drejtën pa pasur përplasje. Se kush do të vritet edhe kush do të vrasi unë nuk e di por këtë gjë na e mëson historia. Këtu flasim për gjëra të shenjta siç është e drejta e votës që është e drejtë themelore. Këtu ka 30 vjet që vidhen zgjedhjet me të gjitha mënyrat. Çdo që bëhet, bëhet për pushtetin e dikujt. Nëse në këtë vend do të vijë dita që do të ketë të vrarë për votën e lirë atëherë do krijohet shpresa që ky vend do të bëhet. Me 30 Qershor duhet të ketë sa më shumë probleme sepse është një ogur i mirë. Këtu është bërë mullar gjëja”,-tha Çani.
