Mes të ftuarve sot në emisionin opinion të Blendi Fevziut në TV Klan është edhe Fatos Tarifa, i cili shprehet se është pro zgjedhjeve të 30 qershorit.
Por kush është Fatos Tarifa i cili është përfshirë në skandal në vitin 2005 kur ishte ambassador.
Në studio Tarifa e quajti dekretin e presidentit për shtyrjen e zgjedhjeve anti kushtetues,
Skandali i Fatos Tarifës, lajmi i publikuar në vitin 2005
Ambasadori i Nanos në SHBA i kërkon ryshfet investitorit
Ambasadori i Nanos në Shtetet e Bashkuara, Fatos Tarifa i ka kërkuar para një investitori ndërsa ky i fundit kishte shfaqur interes për të investuar në Shqipëri. Skandali është pasqyruar nga televizioni Klan, dhe jepej qartë ambasadori Tarifa duke i bërë propozimin biznesmenit amerikan.
Tarifa nuk është as i pari dhe as i fundit nga rradha e socialistëve, të cilët për të gjitha privatizimet kanë kërkuar hapur ryshfete. Edhe privatizimet e fundit janë një shembull i keq sesi nuk duhet të kryhen ato.
Nuk dihet se cili do të jetë qëndrimi që do të mbajë qeveria ndaj këtij rasti, por janë me dhjetëra rastet kur përfaqësues të trupit diplomatik apo drejtues të lartë të PS janë të përfshirë në afera korrupsioni, dhe ndaj tyre nuk është marrë asnjë masë. Kjo është fytyra e vërtetë e diplomacisë së Fatos Nanos, e qeverisë dhe shtetit të krijuar dhe të infektuar tërësisht nga korrupsioni.
Është ky korrupsion, i cili në të vërtetë buron nga kreu i qeverisë, Fatos Nano dhe më pas shtrihet në të gjithë kapilarët e këtij shteti. Tarifa nuk është një rast i shkëputur, ai është thjesht një rast i rradhës i keqpërdorimit të mandatit shtetëror. Ashtu sikurse kryeministri ka bërë pazaret e tij në këto ditë të fundit të qeverisjes, edhe ambasadori Tarifa duket se ka vendosur t’i përdorë ditët e fundit në shërbimin diplomatik duke menduar për xhepat e tij pa pyetur aspak për mandatin shtetëror, i cili i bën të gjithë shqiptarët të ndjehen të ofenduar jo vetëm me të por edhe me atin e tij shpirtëror të korrupsionit, që është Fatos Nano.
