Ndërsa tensionet midis Turqisë dhe Greqisë në Mesdheun lindor vazhdojnë, pavarësisht se Bashkimi Evropian i bëri thirrje Turqisë që të heqë dorë nga shpimi për naftë në zonën ekskluzive ekonomike të Qipros (EEZ), forcat e armatosura të Greqisë janë në gatishmëri për t’u marrë me një përshkallëzim të mundshëm të tensioneve në Mesdheun Lindor, raporton Kathimerini.
Sipas burimeve, çështja kyçe që po merret në diskutim në Athinë është se si të reagojnë në rast se Turqia vendos të kryejë kërkime sizmike ose shpime brenda cepit kontinental të Greqisë ose ZAZ-it të saj. Shqetësimi më i madh është për një ndërhyrje të mundshme turke në lindje të Rodosit dhe në jug të Kastellorizos.
Një deklaratë nga BE javën e kaluar, ndonëse e paqartë, u mirëprit nga kryeministri Alexis Tsipras si “dënimi i parë i qartë dhe vendimtar” i Turqisë nga blloku “pas dekadave të shkeljeve të së drejtës ndërkombëtare”.
Në nivelin operativ, megjithatë, është më pak e qartë se çfarë duhet të jetë reagimi i Greqisë. Forcat e armatosura të vendit do të jenë në gatishmëri të lartë gjatë verës, pasi zyrtarët e mbrojtjes përgatisin një sërë planesh për t’u marrë me një ndërhyrje të mundshme turke.
I pyetur javën e kaluar nëse Greqia mund të llogarisë në mbështetjen ushtarake nga BE ose Shtetet e Bashkuara në rast të një incidenti, ministri i Mbrojtjes Evangelos Apostolakis u tha gazetarëve se Greqia do të duhet të planifikojë të merret me një skenar të tillë në mënyrë të pavarur. “Nuk ka asnjë premtim të tillë, as ndonjë çështje e tillë për momentin, por siç e kam thënë më parë, kur duhet të bëjmë diçka presim që ne në thelb të jemi të vetëm”.
Athina mban gjithashtu pak shpresë në premtimet e Presidentit francez Emmanuel Macron për të dërguar anijet e Marinës franceze në Egje, nëse është e nevojshme, pasi që zotimet e tilla janë bërë në të kaluarën.
