Përplasjet politike duket se kanë përfunduar deri në burgje. Gazeta Mapo mëson nga burime të saj, se ditët e fundit në burgje është duke u ushtruar presion që të gjithë të burgosurit të votojnë.
Në të gjitha burgjet shqiptare u është kërkuar të dënuarve që nëse nuk votojnë, atëherë do të firmosin një deklaratë që nuk marrin pjesë në votime.
Të burgosurve u është thënë se ata të cilët firmosin deklaratën që nuk do votojnë, atëherë të harrojnë se do të marrin leje, apo dokument për sjellje të mirë.
Kushtetuta e Shqipërisë nuk parashikon në asnjë nen të saj, që votimi është i detyruar.
Gazeta Mapo mëson se situate e rëndë është në burgun e Fierit, ku disa prej të dënuarve nuk kanë pranuar të firmosin letrën që nuk do të votojnë.
Drejtuesit e të gjitha burgjeve kanë marrë urdhër të qartë që të dënuarit duhet të votojnë të gjithë.
