VIDEO/ Kapet me armë i dënuari për vrasje, policia jep detajet…

Policia arrestoi sot një të dënuar për vrasje të mbetur në tentativë, i cili qarkullonte i armatosur, ndërsa automjeti ku udhëtonte i ishte vjedhur një italiani.

Policia e Tiranës bëri të ditur se arrestoi 27 vjeçarin E.S, ndërkohë që ka shpallur në kërkim një shtetas 42 vjecar.

Ky i fundit i kishte marre makinën një shtetasi italian dhe nuk ia kishte kthyer më.

NJOFTIMI

Shërbimet e Komisariatit të Policisë Nr. 2, pas marrjes së kallëzimit nga një shtetas italian, se nëpërmjet mashtrimit shtetasi E. P, i kishte marrë automjetin Alfa Romeo dhe nuk ia kishte kthyer më, organizuan punën për gjetjen e automjetit.

Si rezultat i punës dhe informacioneve të grumbulluara, në rrugën “Bilal Golemi” shërbimet e Policisë kanë konstatuar automjetin, ku dhe kanë ndërhyrë menjëherë për të bërë bllokimin.

Drejtuesi i automjetit ka tentuar të largohet, por nuk ka mundur dot dhe menjëherë ka hedhur nga automjeti një armë zjarri Pistoletë “TT”.

LEXO EDHE  “S'ka apartamente me qera në Durrës”, Rama: Ku do strehohen familjet e prekura nga tërmeti

Policia ka bërë arrestimin në flagrancë për veprën penale “Prodhimi dhe mbajtja pa leje e armëve luftarake dhe e municionit”, të shtetasit E.S, 27 vjeç, banues në Tiranë, i dënuar më parë për “Vrasja” mbetur në tentativë.

Gjithashtu është bërë shpallja në kërkim për veprën penale “Mashtrimi” e shtetasit E. P 40 vjeç, banues në Tiranë, i dënuar më parë për të njënjtën vepër penale, pasi ky shtetas ka mashtruar shtetasin italian duke i marrë makinën dhe ja ka shitur shtetasit E.S.

Në cilësinë e provës materiale është sekuestruar arma e zjarrit së bashku me një karikator me fishekë si dhe automjeti në pronësi të shtetasit italian.

Materialet i kaluan Prokurorise së Rrethit Gjyqësor Tiranë, për veprime të mëtejshme.