Një operacion i policisë greke ka çuar në arrestimin e 6 personave, shqiptarë dhe sllovenë. Ata dyshohet se shpërndanin drogë në lokalet e Mykonos. Policia greke ka sekuestruar 11 telefona celularë dhe 1900 euro.
Operacioni për zbulimin e rrjetit nisi të mërkurën kur në portin e Mykonos policia përmes një qeni nuhatës i trajnuar për detektor të narkotikëvearrestoi një 22 vjeçar shqiptar kur po zbriste nga trageti.
Nga kontrolli në valixhen e tij u zbuluan dy pako njera me 57.13 gram kokainë dhe tjetra 67.41 gram, raporton BW.
22 vjecari shqiptar u arrestua nga policia dhe nga kontrolli i tij në banesën e tij u identifikuan dhe u arrestuan edhe të gjashtë bashkëpunëtorë të moshës 22, 25, 26, 24, 26, 27 dhe 27 vjeç, ndërsa u sekuestruan edhe dy pako tëvtjera me methamphetamine (MDMA) me peshë 47.01 gram , si dhe dy pako me kërp të papërpunuar me peshë 11.19 gram, dy pako me kokainë me peshë 14.99 gram, 17 tableta me përbërës kimikë të panjohur të cilat u dërguan për analizë, një rende metalike me mbetje hashashi.
Në posedim të shtatë të rinjve, u gjetën dhe u sekustruan edhe 1,900 euro të përfituara nga shitja e mallit të paligjshëm, gjithashtu u sekuestruan gjithashtu edhe 11 celularë për të cilët kërkohej konfidencialiteti për të identifikuar furnizuesit dhe “klientët” e tyre. Të rinjtë e arrestuar do të ndiqen penalisht për posedim, transport dhe trafik droge.