Ish-kreu i Shërbimit Informativ Shtetëror, Visho Ajazi Lika, aktualisht ambasador i Shqipërisë në NATO, në intervistën e tij dhënë për Radio Jehona e Shqipes në Bruksel, ka rrëfyer për herë të parë marrëdhëniet e tij me krerët e shtetit shqiptar, gjatë kohës që ishte në krye të SHISH.
Ai tha se ka sakrifikuar shumë në momentin që është emëruar në krye të SHISH, pasi ka braktisur Kanadanë dhe familjen për t’i shërbyer atdheut.
‘Në gusht të 2012 m’u propozua të marr SHISH-in. Ishte surprizë për mua, sepse nuk isha përgatitur për këtë punë. Teknologjia është e lidhur shumë me inteligjencën. Pas një hezitimi të shkurtër thashë meqë unë kam ardh për ti shërbyer venditm thashë pse jo. Më kushtoi ky vendim personalisht, por e kam aritur vetveten. Unë mora detyrën në gusht 2012, një detyrë shumë e kontestuar nga politika, dhe një detyrë që ka të bëjë me sigurinë kombëtare. Ligji mbi shërbimin është shumë i mirë, e mban jashtë politikës. Drejtori i shërbimit propozohet nga kryeministri dhe dekretohet nga presidenti. Kështu që u propozova nga kryeministri i atëhershëm, Sali Berisha. Bujar nishani ka qenë President’, kujtoi ai kohën e kthimit nga Kanadaja në Shqipëri.
Ndërkohë Visho Ajazi Lika, ka folur për herë të parë edhe për marrdhëniet mes tij dhe Edi Ramës, i cili në vitin 2013-të u bë kryeministër.
Ish-shefi i SHISH ka rrëfyer se si i ka rezistuar presionit të Rilindasve për të mos u dorëhequr nga detyra.
Kam qenë i kujdesshëm për të qenë jashtë medias. Por për fat të keq jam cituar shumë në media megjithatë nuk kam qenë i shqetësuar shumë. Sa i përket, unë kam punuar 4 vjet me qeverinë e zotit Rama dhe një vit e gjysëm me qeverin demokraike. Marrëdhëniet kanë qenë korrekte, i kisha bërë të qartë qeverisë së zotit Rama se isha aty për të zbatuar ligjin. Pjesa tjetër isha në dispozicion të sigurisë kombëtare. Së pari, që prej ditës që kam takuar zotin Rama dhe deri ditën që ika, asnjëherë të vetme nuk është thënë nga qeveria për largimin tim. Unë nuk jap dorëheqjen, sepse skam ardhur për të dhënë dorëheqjen. Dhe unë punova 4 vjet me qeverinë e parë Rama. Pas zgjedhjeve të 2017, në ligj nuk është shënuar që drejtori i shërbimit ka mandat të pacaktuar. Edhe Meta më kërkoi të rrija me të për të mbaruar mandatin, por unë nuk doja. Sepse kishte kosto të madhe dhe familjare. Natyrshëm nuk e kisha të qartë se ku do shkoja. Por unë jam Akademik dhe kam punuar në sektorin privat në Kanada. Nuk kam pasur asnjë sfidë përsa i përket të mbijetuarit jashtë sistemit qeveritar. Sigurisht, në moshën time, mendoj se vlerësohet edhe kështu. Dhe kështu duhet të jetë. Çdokush duhet të kontribuojë për vendin e vet. Dhe unë po kontribojë si ambassador në NATO. Unë kam lënë një rrogë pesë herë më të madhe sesa rroga që merrja në Shqipëri. Dhe përsëri besoj se jam shpërblyer për punën që kam bërë. Dhe unë kam treguar porfesionalizëm dhe patriotizëm në kohëra më të lehta’, tha Visho Ajazi.
Sa i përket krizës politike në Shqipëri, Visho Ajazi ka dicka për të thënë: ‘S’jam politikan, si qytetar i shqipërisë, unë kam qenë emigrant dhe atje punohet shumë. Gjëja e parë ti kthehemi vetvetes. Të duam familjen dhe ky është mesazhi më I rëndësishëm që mund të bëjmë. Duke iu kthyer punës, vetmohimit për vendin tonë kjo është parakusht për të pasur ringjalljen dhe vazhdimin e rrugëtimit tonë’.
