Gjatë takimit të kryeministrit Edi Rama në Finiq, ajo që ka tërhequr vëmendjen ishte një flamur grek pas shpinës së kreut të qeverisë.
Flamuri grek është mbajtur nga të pranishmit në këtë takim ku është prezantuar kandidati i mbështetur nga Rilindja për kryebashkiak.
Prania e flamurit ka shkaktuar reagime të shumta, ndërsa Rama ka sqaruar se nuk krenohet me flamurin grek, por me atë shqiptar.
DEBATI:
Qytetari: Rama në Finiq, duke bërë fushatë zgjedhore në trojet shqiptare krenohet me flamurin grek. Ky është vërtet një turp i kombit tonë!
Edi Rama: Unë nuk krenohem me flamurin grek por me atë shqiptar që ishtë aty në krah, ndërkohë që flamuri i kombit të atyre që janë minoritarë e që kanë të drejtën e tyre të krenohen me atë flamur! Kuptove? Nëqoftëse nuk e kuptove po të them edhe këtë: Shqipëria nuk është Serbi ku shqiptarëve në Luginën e Preshevës s’u lejohet të tundin flamurin kuqezi në publik! Ja kaq. Shëndet dhe mos ki inat asnjë flamur, po duaj tëndin, së kështu bëhesh njëri më i mirë.
