Kryeministri Edi Rama ka pohuar sot, gjatë takimit në Përmet, se ka pasur socialistë që kanë mbështetur edhe shtyrjen e datës së zgjedhjeve.
“Kishte dhe socialistë që thonin ç’na duhet ne, le ti shtyjmë, të vijnë këta dhe i mundim prapë. Por kjo s’është lojë me topa lecke në lagje. Jo kjo është një betejë për parimet demokratike”, u shpreh Rama.
Ai e ka cilësuar çmenduri lëvizjen e opozitës dhe Presidentit për shtyrjen e zgjedhjeve.
“Ç’është kjo çmenduri? Nga buron kjo? Se njerëzit thonë ça është kjo? Dalëngadalë po e shohin dhe po e kuptojnë. Thonë ç’na duhet tani një konflikt i madh. Ç’na duhet të kthehemi në kohët e luftërave mes partive dhe ‘97”, tha Rama.
