Ish-kryeministri Pandeli Majko gjatë një takimi përkrah Erion Veliaj foli për përgjimet e publikuara nga gazeta gjermane “Bild”, ku flitet për blerje votash nga ana e mazhorancës së sotme.
Por sipas tij blerja e votës nuk ka nisur sot.
“Ndaj ftesa është që për 30 qershor ejani votoni. E dimë situatën, e dimë traumën, por ky është një vendim i marrë nga ata. Nuk e kemi marrë ne. Ata që kanë kujtesë e dinë se pas zgjedhjeve të ’96, në morëm pjesë në zgjedhje, dhe na behej pyetja a do i ruani votat, a do ua vjedhin prapë votën. Është mirë të kthejmë nga njëherë kokën prapa, për ata që tundin shaminë e Dezdemonës.
Historia e vjedhjes së votës nuk ka filluar këto vite, as historia e të fortëve. Madje po t’i gërvishtës nga pak, karrierën politike nuk e kanë filluar aty. Ndaj në datë 30 i ftojmë të votojnë për këshilltarët tanë, për Erion Veliaj si një përfaqësues i një komuniteti i cili tha që do e bëj dhe e bëri. Kaq e thjeshtë është sot mënyra e të bërit të politikës. Do e bëj, dhe e bëri”, tha Majko.