Për lirimin e qëndrave të votimit në gjithë qarqet e rretheve tashmë maxhoranca ka kundërshtuar sërish vendimin e Presidentit duke mos zbatuar asnjë urdhër që derivon prej tij. Për këtë arsye, krerët e opozitës në rrethe si dhe disa prej kryebashkiakëve opozitarë kanë shënuar një boom letrash drejtuar KZAZ-eve për të liruar urgjentisht ambjentet publike.
Edhe kreu i PD dega Lushnje ka kërkuar të njëjtën gjë përmes një shkrese zyrtare.
Letra Zyrtare
Kryetari i ri i Degës PD Lushnje, letër KZAZ: Presidenti ka anulluar zgjedhjet. Lironi ambjentet publike. Kryetari i degës së Partisë Demokratike Lushnje, Saimir Korreshi, me një shkresë zyrtare drejtuar kryetarit të KZAZ-së së Lushnjes si dhe kryetarit të Bashkisë së Lushnjes, kërkon lirimin e ambjenteve publike, pas nxjerrjes së dekretit të presidentit të republikës për shfuqizimin e datës së zgjedhjeve për pushtetin vendor dhe kthimin e tyre në funksion normal publik, pasi s’ka asnjë asnjë bazë ligjore që ato të mbahen të zëna.
