Për shumëkënd që ndoshta sot ëndërronte një ndjesë nga kryeministri Edi Rama lidhur me blerjen e votave nga PS, e treguar kjo nga përgjimet e publikuara nga BILD, është ndjerë i zhgënjyer…
Në vend të kësaj, nga foltorja e Kuvendit, Rama foli për një plan të mirëorganizuar në publikimet e përgjimeve dhe gishtin e akuzës e ngriti nga opozita.
“Marrja peng për t’i mbyllur derën negociatave plani me përgjime të pa hetuara por të mbyllura në kasafortë dhe më pas të dorëzuara te partia politike që e lajmëroi daljen e përgjimeve para se të dilnin në Gjermani. Kalendari aspak i përputhur me kalendarin e protestave flet vetë për këdo që dëshiron të shikojë dhe këdo që dëshiron të mendojë. Është një revolucion imagjinar me punonjës bashkie, policë bashkiakë, të rinj që maskohen rrugëve, por që funksionin në raport me qëllimin, sepse prodhon gjithë pamjet e shëmtuara krejtësisht të papërputhshme me imazhin e një vendi gati për të hapur negociatat me sytë e atyre që na shohin ndaj jashtë. Dhe mbjell frikën te njerëzit brenda sikur çdo ndodhë”, tha ai.