Aleanca Qytetare për Mbrojtjen e Demokracisë për Vlorën zhvilloi një takim të hapur, në të cilin, përveç drejtuesve të partive të Opozitës së Bashkuar për Vlorën, morën pjesë edhe përfaqësues të Shoqërisë Civile, të Medias, të Organizatave të Biznesit dhe Profesionistëve, si dhe Intelektuale të shquar të Vlorës ku u diskutua rreth krizës politike ku ndodhet vendi, rrezikun që i kanoset demokracisë dhe pluralizmit, si dhe stabilitetit të vendit nga tentativa e Edi Ramës sipas saj për të zhvilluar një proces fals ne 30 Qershor.
Ajo iu ka bërë thirrje qytetarëve që të braktisin Ramëmn në 30 qershor dhe thirrje nëpunësve për tu mos iu bashkuar shkeljes së ligjit në
Ndër të tjera, kjo aleancë i kërkon presidentit Ilir Meta që të caktojë një datë të re zgjedhjesh dhe të shpërndajë parlamentin.
“Anulimi i Zgjedhjeve nga Presidenti e ka bërë këtë proçes tërësisht të paligjshëm dhe të pavlefshëm!Vazhdimi i veprimeve nga administrata zgjedhore dhe nga çdo institucion tjetër i bën ato përgjegjëse dhe bashkëfajtorë në përpjekjen e Edi Ramës për të falsifikuar pushtetin.
– Në kushtet, kur është provuar botërisht se parlamenti dhe qeveria janë produkt i vjedhjes së zgjedhjeve në bashkëpunim me krimin e organizuar;
– Në kushtet kur, është asgjësuar Gjykata Kushtetuese, Gjykata e Lartë, kur Edi Rama ka marrë nën kontroll dhe keqpërdor organet e drejtësisë dhe KQZ;
– Në kushtet kur, Kuvendi i Shqipërisë nuk plotëson detyrimin kushtetues të përfaqësimit me 140 deputete, pra nuk përfaqëson as numerikisht elektoratin;
Aleanca Qytetare për Mbrojtjen e Demokracisë për Vlorën, i bën thirrje gjithë Qytetarëve Vlonjat të mos bëhen bashkëpunëtor të proçesit të 30 Qershorit, që synon eliminimin e pluralizmit politik dhe kthimin e vendit ne monizëm;
Aleanca Qytetare për Mbrojtjen e Demokracisë për Vlorën, i bën thirrje çdo zyrtari të administratës zgjedhore, të administratës qendrore dhe lokale në Vlorë, punonjësve dhe oficerëve të policisë, të mos bëhen pjesë dhe mbështetës në shkeljen e Kushtetutës dhe Ligjit;
Aleanca Qytetare për Mbrojtjen e Demokracisë për Vlorën, i bën thirrje Presidentit që, si garant i Kushtetutës, për të siguruar përfaqësimin e plotë të elektoratit, të shpërndajë Kuvendin dhe në konsultime politike të caktojë një datë të përshtatshme për zgjedhje të parakohshme!
Aleanca Qytetare për Mbrojtjen e Demokracisë ne Vlorë, si një bashkim i Forcave Politike, i Organizatave dhe i Qytetarëve shpreh vullnetin dhe gadishmërinë maksimale:
– Për tu angazhuar me të gjitha energjitë për të ndërgjegjësuar qytetarët për rrezikun që i kanoset demokracisë në vend;
– Për të marrë të gjitha masat për të mbrojtur rendin demokratik;
– Si dhe për të çelur një dialog gjithëpërfshirës për hartimin e një platforme për ndryshime të thella politike në vend në mënyrë që t’i japim fund modelit autoritar e kriminal te pushtetit të Edi Ramës!
Aleanca Qytetare për Mbrojtjen e Demokracisë për Vlorën”, thuhet në deklaratë.
