Drejtuesja e Prokurorisë së Krimeve të Rënda, Donika Prela ka reaguar pas përgjimeve të publikuara këtë të hënë nga BILD.
Prela konfirmon nisjen e hetimeve për nxjerrje të sekreti hetimor, lidhur me përgjimet e publikuara nga gazeta gjermane “BILD”. Në një reagim, nuk thuhet asnjë fjalë për personat që dalin në përgjime.
Lëvizja e prokurorisë vjen pas reagimit të Ramës në Twitter, i cili kërkonte të njëjtën gjë: Hetime për nxjerrje të sekretit hetimor.
Njoftimi
Nisur nga publikimet audio te bera sot me date 17.06.2019 ne gazeten gjermane Bild, Prokuroria e Krimeve të Rënda njofton se ka filluar veprimet hetimore për verifikimin e elementëve të veprës penale të ‘Zbulimit të akteve ose të dhënave sekrete’ të parashikuar nga neni 295/a i K.Penal.
Po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.
Prokuroria e Krimeve të Rënda deklaron, se po ndjek me kujdes situatën e paprecedent të krijuar që ka cënuar rëndë imazhin e Prokurorisë Shqiptare dhe që është kryer në shkelje flagrante të ligjit.
DREJTUESI I PROKURORISË
DONIKA PRELA
