Rreth 500 kg marijuana dhe 40 gram kokainë janë zbuluar nga policia italiane në një banesë, ndërsa janë arrestuar 6 persona në operacione të ndryshme në zonën e Torinos.
Operacioni për kapjen e 500 kg drogë nisi pasi më parë policia sekuestroi një sasi prej 25 kg lëndë narkotike në rajonin e Marche.
Lënda narkotike e llojit marijuanë ishte bërë gati për t’u hedhur në treg.
Një ndërhyrje e patrullës së policisë 5 ditë më parë ccoi në arrestimin e dy shqiptarëve Elvis Petraj, 32 vjeç dhe Elis Velaj, 19 vjeç, të cilëve iu sekuestrua edhe sasia prej 25 kg marijuanë, e fshehur në mjetin tip Fiat 500L, të cilin e kishin marrë me qira.
Pas kësaj operacioni u shtri, ndërsa telefonat e dy të arrestuarve u vunë në përgjim, duke zbuluar në datën 14 qershor 37-vjeçarin, Aleksandër Latifaj.
Policia ushtroi kontrolle të banesës ku zbuloi edhe sasinë prej 500 kg marjuanë, e paketuar në qese.