Erjon Veliaj, kryebashkiaku i Tiranës, para dy ditësh gjatë një takimi me banorë të Tiranës, bëri lëmsh historinë, duke zbuluar ndoshta pa dashur injorancën e tij.
Përveçse ngatërroi vendin ku në 1942 është vrarë Vojo Kushi, pasi Veliaj e di që ka ndodhur te Selvia, ndërkohë që ajo ka ndodhur te Kodra e Kuqe, kryebashkiaku bëri një lëmsh edhe me vitet, duke ia lënë gjermanëve përgjegjësinë për vrasjen e tij, kur e vranë italianët.
Në fakt aq shumë e ngatërroi historinë, sa futi në lojë edhe IKMT, për shembjen e disa banesave të vjetra.
Pas gafave të njëpasnjëshme, ka shpërthyer edhe humori në rrjet. Faqja e njohur Lolita ka postuar në rrjet një version të Vojo Kushtit jo mbi tank, por mbi një betoniere.
Ndoshta Veliaj me njohuritë e tij mund ta imagjinojë Vojo Kushin në variantin e publikuar nga Lolita.
Kuptohet nëse nuk ka ndonjë konflikt interesi, pasi po të ketë, ndoshta mund ta imagjinojë duke hedhur bomba mbi ndërtesa të vjetra, duke i krijuar kushtet për ngritjen e kullave.
