Zgjedhjet me 30 qershor, Ademi: Fatkeqësi, po përballemi me grusht shteti

Shkaktuan fortunë reagimesh nga mazhoranca dhe Komisioni Qëndror i Zgjedhjeve, shkresat që bashkitë e drejtuara nga përfaqësuesit e opozitës dërguan për lirimin e ambjenteve të KZAZ-ve dhe heqjen e listave përfundimtare të zgjedhjeve, afishuar sipas kodit zgjedhor.

Kryebashkiakja e Shkodres Voltana Ademi duke folur për RTV Ora, thotë se dekreti është akt ligjor me fuqi zbatuese dhe ajo që po bëjnë tani sot këto njësi, nuk është asgjë më shumë se zbatim i ligjit.

Voltana Ademi: “Dekreti është akt ligjor me fuqi zbatuese. Proçesi zgjedhor nis me dekret të presidentit, është i zbatueshëm duke filluar nga KQZ dhe të gjitha institucionet e tjera, prandaj ne kemi vepruar. Kodi zgjedhor përcakton detyrat e bashkive . Ajo që po bëjmë tani nuk është më shumë se zbatim i ligjit …
Në kushtet aktuale duke folur për Shkodrën, KZAZ nuk janë në funksion. Nuk kanë qënë asnjë ditë në funksion. Aq më teper tani nuk do të jenë në funksion, pasi ambjentet sdo të jenë në dispozicion më, kjo në bazë të ligjit.

Numrit dy të KQZ-së Denar Bibës që kërcënoi me padi penale kryebashkiakët, Ademi i kërkon të rrijë larg të tilla deklaratave, pasi askush nuk do të guxojë të shantazhojë të zgjedhurit.

Voltana Ademi:  Duhet ti rrijnë larg deklaratave për vetëgjyqësi, apo që të marrin tagre qe i kanë organe të tjera. Askush nuk duhet të guxojë të bëjë deklarata të tilla, aq më teper ndaj kryebashkiakeve të zgjedhur nga qytetaret. Interpretimet e tjera janë institucione si gjykata apo prokuroria që i bën. Askush nuk mund të akuzojë apo anatemoje e shantazojë të zgjedhurit.

Edhe Edi Ramës që ju tha se po mbrojnë drejtuesit e opozitës i jep të njëjtën përgjigje, duke shtuar se është mesuar me të tilla shantazhe.

Voltana Ademi: “Përtëj deklaratave politike, unë e marr si shantazh. Në Shkoder jam mësuar me këto dhe nuk më bëjnë përshtypje. Edhe kryeministrit i jap të njëjtën përgjigje si Denar Bibës, të zgjedhurit askush nuk mund ti shantazhojë”.

Në fund e ka një koment për retorikën e vazhdueshme politike të kryeministrit dhe qeverise se me 30 qershor Shqipëria voton. Proçeset farse nuk do të pranohen nga qytetarët, por as nga opozita dhe vetë ndërkombëtarët thotë Ademi.

Eshtë fatkeqësi për vendin dhe qytetarët që ne po përballemi me grusht shteti. Mos përgjigjia dhe mos zbatimi i dekretit të presidentit nga KQZ, është një grusht i hapur shteti. Uroj të mos kemi të tjerë nga institucione të tjera në ditët në vijim. Sikurse po e shihni ne poo veprojmë me instrumenta demokratike, si përgjegjesi që kemi në këto poste. Do të vazhdojmë të ngrejmë zërin në emer të qytetareve që të mundesohet ndalimi i cdo iniciative apo dhunim i procesit farsë, e të padrekretuar që tentohet të mbahet. Kjo është e paprecedent që po ndodh dhe nëse ka një proces ai nuk do të njihet nga ne, qytetarët por besoj edhe nga opinioni ndërkombëtar.Aktualisht ambjentet e KZAZ-ve në Shkoder janë jo funksionale, megjithatë pritet që nga dita e hënë ato të merren në ruajtje nga policia, pasi KQZ do të sjellë materialet zgjedhore.”

Aktualisht ambjentet e KZAZ-ve në Shkoder janë jo funksionale, megjithatë pritet që nga dita e hënë ato të merren në ruajtje nga policia, pasi KQZ do të sjellë materialet zgjedhore.

/Ora News/

LEXO EDHE  "Fike televizorin se është si shejtani në shtëpi"/ Rama nuk ndal sulmin ndaj mediave