Një pritje madhështore i është rezervuar Stresit, mbrëmjen e djeshme teksa linte qelinë në burgun e Fushë-Krujës.
Përveç familjarëve të tij, reperi është pritur dhe nga një numër i madh miqsh, të cilët me makina luksoze zbarkuan në Fushë Krujë, dhe u binin borive në momentin kur Stresi la derën e burgut.
Vetë këngëtari është shfaqur mjaft i qeshur, ndërsa ka takuar dhe gardianët e burgut, të cilët i ka përqafuar. Këngëtari qëndronte në burg që prej muajit Tetor të 2018-tës, nën akuzë për armëmbajtje pa leje, ndërkohë që dje Gjykata vendosi për lirimin e tij me kusht.
Familja e këngëtarit ka insituar se e gjithë ngjarja ka qenë një kurth, me prapavijë të fortë politike, për shkak se familja Lushaj është mjaft aktive në protestat e Partisë Demokratike.
Mbi këngëtarin rëndonte dhe akuza e pjesëmarrjes në grup të strukturuar kriminal, po kjo akuzë nuk është provuar plotësisht.
