Rinasi/ Ndihmoi në grabitjen e parave, në pranga punonjësi…

Një tjetër person është vënë në pranga në lidhje me grabitjen e ndodhur në Rinas.Personi i arrestuar, identiteti i të cilit nuk bëhet i ditur, po merret në pyetjenga ana e policisë.

Burime bëjnë me dije se personi i shoqëruar dyshohet se ka ndihmuar autorët e grabitjes, duke qenë se ishte i punësuar te pjesa e cargos në aeroport.

Dyshohet se personi ka njoftuar për futjen e parave në pistë, orarin dhe lëvizjet, gjë që e bëri më të lehtë punën e autorëve të kësaj ngjarje të ndodhur në 9 Prill.

Prokurorët e kësaj dosjeje prej katër ditësh janë duke marrë në pyetje pjesëtarë të stafit në aeroport dhe ICTS. Operacioni i nisur që nga pasditja e të premtes vijon edhe ditën e sotme.

Derimë tani gjashtë persona mbahen në burg, për grabitjen në Rinas, ndërsa është shpallur në kërkim Klement Ccalja, si një nga organizatorët e grabitjes.

LEXO EDHE  VIDEO/ Rama bën edhe rolin e inxhinierit: Këta izraelitët janë njësha, puthe shtëpinë se...

Ditën e djeshme 5 prej të arrestuarve kanë kërkuar ballafaqim me Alkond Bengasin, i cili ishte autor i modifikimit të automjetit me mbishkrimin “Hetimin Tatimor”.

Të arrestuarit kërkojnë të mos merren si prova deklaratat e dhëna nga Bengasi, i cili ka dhënë detajet kryesore lidhur me kapjen e personave të përfshirë.

Bengasi është bashkëpunëtor i drejtësisë në këtë ngjarje, dhe gjithë arrestimet janë mbështetur vetëm në dëshminë e tij.

Ka qenë ish-komandoja Oltjon Veseli ai që ka kërkuar që të ballafaqohet me Bengasin, i cili zbërtheu grupin, ose që të deklaratat e tij të mos merren si provë. Kërkesa e Ragip Hajdinit, Elton Piklit, Alkond Bengasit, Renaldo Sulajt, Oltjan Veselit dhe Saimir Celës do të shqyrtohet ditën e sotme në Gjykatën e Krimeve të Rënda.