Si Veliaj po shkel ligjin duke terrorizuar punonjësit/ Zbulohen mesazhet

30 qershori është rrëzuar me dekret të Presidentit të Republikës si datë e zhvillimit të zgjedhjeve lokale, por kjo nuk e pengon kryetarin e bashkisë së Tiranës Erion Veliaj, të ushtrojë presion mbi administratën.

Një situatë e tillë po ndodh në ndërmarrjen e Ujësjellës-Kanalizimeve në kryeqytet, institucion në varësi të Bashkisë Tiranë. Burime kofidenciale pranë këtij institucioni thanë se mbi punonjësit po ushtrohet presion që ata të shpërndajnë në rrjetet sociale materiale propagandistike në mbështetje të kryetarit të Bashkisë së Tiranës Erion Veliaj, me afrimin e 30 qershorit, datë për të cilën rilidnasit këmbëngulin se do të zhvillohen votime për zgjedhjet lokale.

Punonjësve jo vetëm u kërkohet ti shpërndajnë materialet, por edhe kontrollohen nëse e kanë zbatuar urdhrin.

Një nga materialet që u është dërguar punonjësve, me urdhër për ti shpërndarë në Facebook

Të njëjtat burime shtuan se punonjësve u kërkohet adresa e Facebook-ut në mënyrë që të kontrollohet nëse kanë shpërndarë apo jo materialet propagandistike në mbështetje të Veliajt. Madje, në një ratë, siç thonë burimet, një nga punonjësit që nuk ka pasur adresë Facebook-u, i është kërkuar adresa e nuses dhe është urdhëruar që ti shpërndajë prej aty materialet në fjalë.

LEXO EDHE  VIDEO/ Policia nis arrestimet te "Unaza e Re"

Personi që jep urdhrat mësohet se është Alba Tare, e motra e gazetares Ilva Tare. Burimet thanë se Alba Tare, e cila mban rolin e specialistes në institucion, u dërgon në aplikacionet për mesazhe postimet dhe i urdhëron ti shpërndajnë në profilet e tyre në Facebook.

Kjo nuk është hera e parë që në institucionet nën varësi të Bashkisë Tiranë të drejtuar nga Veliaj, ndodh një gjë e tillë. Pak kohë më parë, Boldnews ka denoncuar presionet që u bëheshin punonjësve të UKT-së për të marrë pjesë në hapjen e fushatës së Veliajt në Tiranë.

Edhe raportime të tjera mediatike, apo ish-deputetë të opozitës, kanë denoncuar gjithashtu presionet e drejtorëve të institucioneve nën varësisë të Bashkisë Tiranë, për tu bërë presion administratës. Detyrimi për pjesëmarrje në veprimtari politike, i parashikuar nga Neni 328/a i Kodit Penal e cilëson vepër penale sjelljen në fjalë dhe e dënon deri në gjashtë muaj burgim. /BN/