Kryebashkiaku i Tiranës, Erjon Veliaj, i cili kërkon një mandate të dytë, vijon takimet në Tiranë, në kuadër të fushatës për votimet e 30 qershorit, megjithëse Presidenti Ilir Meta me një dekret të posaçëm ka anulluar procesin në këtë datë.
Veliaj ka mbledhur banorë të njësisë 8, në oborrin e shkollës Servete Maçi, të cilën prej 3 vitesh nuk po e ndërton dot, që përfshihet në territorin e njësisë 9 dhe ka nisur të flasë për rikonstruksionin e pazarit të ri, që i përket njësisë nr 2 administrative.
Ndoshta vapa nuk i ka bërë mirë kryebashkiakut, të cilit i kanë shkuar në takim më pak njerëz sesa ka edhe në institucionet që ka në varësi, të cilët i mbledh me detyrim në çdo takim dhe i shëtit nga njëra njësi në tjetrën.
“Edi Rama nuk i ka shkruar 7 letra as dashurisë së jetës së tij”, tha Veliaj, duke shtuar se çdo tirons i vjetër e di që në shtëpinë e tij ka ose një pus, ose një carac, ndaj duhet të ketë në shtëpi ose një shkallë ose një litar të gjatë.