Shtatë persona janë arrestuar dhe 23 të tjerë janë proceduar penalisht lidhur me protestën e djeshme në Librazhd, kundër kryeministrit Edi Rama. Shifrat i bëjnë me dije burime zyrtare nga policia.
Mes të arrestuarve është dhe arrestuar Bujar Vreto, 48 vjeç, Kryetari i PD-së Librazhd.
“Policia e Librazhdit bazuar në pamjet filmike, dhe raportet e shërbimit, ka bërë arrestimin në flagrancë të 7 personave për veprat penale të ‘Organizimit, pjesëmarrjes në grumbullime, manifestime të paligjshme’, dhe ‘Pengimi i qarkullimit të mjeteve të transportit’’ ‘Pengim i subjekteve zgjedhore’, konkretisht: B.V., 48 vjeç, (Kryetari i Degës së PD-së Librazhd); A.B., 53 vjeç, nga, Elbasani (ish deputet i PD); A.K., 43 vjeç, nga Prrenjasi; E.G., 32 vjeç, nga Librazhdi (sekretari i PD-së, dega Librazhd); D.B., 47 vjeç, nga Shtërmeni, Cërrik; L.O., 31 vjeç, nga Piskashi; B.K., 54 vjeç, nga Librazhdi. Po kështu ka filluar proçedimi penal në gjëndje të lirë, për të njëjtat vepra penale edhe për 16 shtetas të tjerë. Arrestimi dhe proçedimi i këtyre personave u bë pasi në datën 13.06.2019, rreth orës 18:00 këta shtetas janë grumbulluar në rrugën nacionale në hyrje të qytetit të Librazhdit tek kryqëzimi i Përrenjasit dhe në vijim kanë tentuar që të bllokojnë rrugën nacionale Elbasan – Librazhd, në hyrje të qytetit të Librazhdit, duke penguar eskortën e Kryeministrit dhe kanë goditur eskortën me sende të forta e lëndë plasëse piroteknike. Materialet proçedurale u referuan në Prokurorinë pranë Gjykatës së Shkallës së Parë Elbasan“, thuhet në njoftimin e Policisë.
Protestuan kundër Ramës, policia nis arrestimet dhe ndalimet / Emrat
