Është shtyrë seanca e radhës në Gjykatën për Krime të Rënda për pasurinë e shtetasve Klement Balili dhe Bashkim Balili. Shkak për shtyrje është bërë mungesa e mbrojtësit të Balilëve, Sokol Hazizaj.
Në këto kushte, Bashkim Balili, i pranishëm në seancë dhe prokurori Eneid Nakuçi kanë kërkuar shtyrjen e seancës në një datë tjetër. Gjyqtarja Iliriana Olldashi ka vendosur të shtyjë senacën për në datën 20 qershor, në orën 09:00.
Klement Balili nuk ishte i pranishëm në seancë.
Kujtojmë se gjykata tashmë ka pranuar kërkesën e Balilit për gjykim të shkurtuar ndërkohë që kjo nuk është hera e parë që seancat e tij gjyqsore shtyhen për një afat të dytë.