Arkimed Lushaj, reperi i njohur si Stresi është liruar nga qelia.
Gjykata e Tiranës dënoi me tre vjet burg Arkimed Lushajn, reperin e njohur me emrin “Stresi” vetëm për akuzën e “armëmbajtjes pa leje”. Për shkak të gjykimit të shkurtuar dënimi për Arkimed Lushajn është ulur në 2 vjet, por Gjykata vendosi të pezullojë pjesën e mbetur të dënimit duke urdhëruar lirimin e tij dhe lënien në liri me kusht.
Stresi ndodhej në qeli që prej tetorit 2018. Asokohe, ai u arrestua si pjesë një grupi që sipas policisë, trafikonte drogë dhe kryente “krime kundër personit”.
Stresi u kap në një hotel në Tiranë, në dhomës e së cilit u gjet edhe një pistoletë pa leje dhe kokainë, raportoi asokohe policia:“Gjatë arrestimit këtij shtetasi në ambjentet e një hoteli të ndodhur në vendin e quajtur Linzë gjatë kontrollit të ushtruar i janë gjetur dhe sekuestruar në cilësinë e provës materiale një sasi e vogël lënde narkotike e dyshuar kokainë, një armë zjarri pistoletë e tipit “Pjetro Beretta” , si dhe 12 fishekë të modelit 7.65 mm”. /BN/
