Monika Kryemadhi tha se Edi Rama edhe kur ka hyrë në politikë, edhe kur ka hyrë bë sport ka hyrë përmes kompromiseve.
Nga mbledhja e Komitetit Drejtues të LSI, Kryemadhi tha se në 2013, bashkë me votat tona, morri një Shqipëri anetare të NATO-s, gati për hapjen e negociatave, por Edi Rama i pengoi negociatat për një kryetar qarku.
“Sot prej 3 vitesh ne nuk hapim dot negociatat për shkak të krimit, lidhjeve të tij me qeverinë, trafikun e drogës”, tha ajo.
Kryemadhi tha se sot funkisonon vetëm një njeri, i cili pasi ka kapur të gjitha institucionet dhe është vendosur në krye të trafiqeve, përfshi edhe atë të drogës, korrupsioni i Edi Ramës ka kaluar çdo përmasë.
“Është një hajdut me çizme. Problemi kryesor sot është kapja e shtetit, kapja e institucioneve. Edi Rama do të paguajë nga buxheti i shqiptarëve 140 mln euro thjesht për një tekë të tij. Se gjykatat jashtë nuk janë të Edi Ramës, por të së drejtës. Por ka një problem që këto para i paguajnë shqiptarët, nuk dalin nga xhepi i Edi Ramës.
Keni projektin e unazës, që është kriminal dhe korruptiv. Kriminal se janë përfshirë grupet kriminale në marrjen e lejeve të ndërtimit dhe korruptiv se janë manipuluar edhe dokumentet zyrtare të një institucioni në SHBA”, tha Kryemadhi.
Sipas saj, varfërinë e shqiptarëve nuk e mundin dot as karficat e florinjta të Ramës, as charterat që përdor, as debatet shterpë të tij.
“Varfërinë e shqiptarëve do e mundë revolta. Rama e ka mbyllur hesapin me Europën, sepse hesapi i tij nuk është hesap që ka të bëjë me trafikun e drogës, me ekspozitat e tij, por ka të bëjë me të ardhmen e shqiptarëve. E ardhmja e shqiptarëve është më e rëndësishme se karrigia e Edi Ramës, Ilir Metës, apo e deputetëve që dogjën mandatet”, tha Kryemadhi.
Lidhur me zgjedhjet, kryetarja e LSI-së theksoi se data nuk ka asnjë rëndësi, rëndi kanë standardet.
“Hallet tona duhet ti marrim vetë në dorë”, tha Kryemadhi.