Katër anëtarët socialistë të Komisionit Qendror të Zgjedhjeve kanë rrëzuar sot kërkesën e Partisë së Unitetit Kombëtar, aleate e PS-së, për t’u çregjistruar nga zgjedhjet e 30 qershorit.
Me 4 votat e tyre ata kanë rrëzuar kërkesën e Idajet Beqirit për të çregjistruar PUK dhe për të hequr këtë parti nga fleta e votimit.
“Komisioni Qendror i Zgjedhjeve në mbledhjen e ditës së sotme shqyrtoi:
– “Për shqyrtimin e kërkesës, depozituar në KQZ nga Partia Uniteti Kombëtar me object‘Çregjistrim nga procesi zgjedhor, për zgjedhjet për organet e qeverisjes vendore të datës 30 qershor 2019”. KQZ me 4 vota pro vendosi rrëzimin e kërkesës”, thuhet në një njoftim zyrtar.
Pasi rrëzoi me një akt të paprecedentë dekretin e Presidentit që çdekretoi 30 qershorin si datën kur do të mbahen zgjedhjet lokale, KQZ nën kontrollin e plotë të Edi Ramës, nuk pranon as kërkesat e subjekteve politike për t’u çregjistruar nga zgjedhjet.
KQZ injoroi vendimin e Metës/ Partia politike kërkon ç’regjistrimin nga zgjedhjet (Dokumenti)
