Data e re e zgjedhjeve, Meta bën lëvizjen e radhës

Presidenti Ilir Meta do të nisë sot konsultimet me partitë politike për caktimin e datës së zgjedhjeve.

Takimet e para pritet të bëhen në ora 19:00 me krerët e partive të Grupimit të Qendrës së Djathtë, thanë burime nga Presidenca. Takimet nisin fill pas vizitës në Kosovë, ku Presidenti Meta do të marrë pjesë në festimet e 20-vjetorit të çlirimit të Kosovës.

Një ditë më parë, Meta doli në një konferencë duke hedhur poshtë akuzat se shtyrja e datës së zgjedhjeve është vendin antikushtetues. Kreu i shtetit tha se shpejti do të ketë një datë të re, por i bëri thirrje palëve politike të bashkëpunojnë.

LEXO EDHE  Dhunoi nënën e kërcënoi me thikë vëllain, arrestohet 41-vjeçari/ Emri

Teksa nga opozita e kanë përshëndetur vendimin e Metës, nga kampi mavi vijon të këmbëngulet se zgjedhjet do të zhvillohen më 30 qershor, edhe pse vetë Presidenti tha se nuk ka asnjë shans të tillë.