Presidenti Ilir Meta ka reaguar lidhur me qëndrimet e mbajtura pas dekretit për anulllimin e zgjedhjeve lokale më 30 qershor.
Meta tha se ka bërë publike të gjitha argumentet e tij sepse vendosi anullimin e zgjedhjeve të 30 qershorit.
Presidenti ngriti pyetjen se si ka mundësi që Krerët e Shtetit që kanë shtyrë datat e zgjedhjeve nuk akuzohen se kanë shkelur Kushtetutën, ndërsa sot ndodh krejt e kundërta.
“Sipas disa sot Presidenti duhet të shtyjë zgjedhjet vetëm me lejen e dy partive politike, pra që të mos quhet shkelje Kushtetuese. Pra Presidenti na kthehet në një noter të dy partive politike.
Kushtetuta nuk përcakton datën e zgjedhjeve, data e zgjedhjeve caktohet në Kodin Zgjedhor”, tha Meta.
Sipas tij, 30 qershori mund të sjellë pasoja destablizuese.
“Dje bëra publike të gjitha argumentet mbi të cilat mora vendimin.
Pas kësaj kam vënë re, se në mënyrë emotive se, presidenti i Republikës ka shkelur kusht duke sjellë një gjendje amullie.
Në Tiranë qarkullojnë disa modele të ndryshme të kushtetutës, të përkthyera edhe gabim.
Janë keqinformuar dhe nuk dinë të lexojnë ligjin themeltar.
Kushtetuta zyrtare është kjo këtu. Ajo që nga neni 1 deri në fund nuk përcakton se kur zhvillohen zgjedhjet. Më 1 apo 30 qershor.
Për të informuar të gjithë ata që janë keqinformuar apo janë informuar keq, ju bëj me dije se Kushtetuta e Republikës është kjo këtu.
Kushtetuta nuk përcakton afate se kur zhvillohen zgjedhjet, në datën 1 të këtij muaji e 1 të atij muaji, por këto detaje i ka të përcaktuara Kodi Zgjedhor”, tha Meta
