Kriza politike në Shqipëri sa vjen e thellohet, kjo dhe pas vendimit të presidentit Ilir Meta, për të shtyrë datën e zgjedhjeve në mënyrë që të shmangë luftën civile.
Por mesa duket kryeministri Edi Rama dhe Rilindasit, kanë bërë plane që të mbajnë me çdo kusht pushtetin.
Ministrja e Mbrojtjes, Olta Xhaçka duke folur për aktualitetin politik në vend në “Abc Neës”, është pyetur nga gazetarja: “Nëse do të kishte një situatë ku forcat e armatosura do të duhej të ndërhynin, prej cilit do të merrnin urdhër?”
Xhaçka iu përgjigj pyetjes duke thënë se në kohë lufte është Presidenti i Republikës ai që i udhëheq forcat, ndërsa në kohë paqeje, kompetencat i vishen kryeministrit dhe ministrit të Mbrojtjes.
“Nuk janë modelet më të mira për demokracinë. Presidenti është zhveshur nga ajo vlerë që ja vesh Kushtetuta sepse Presidenti ka marrë një anë. Është antikushtetues cenimi i të drejtës së votës. Në demokraci debatohet dhe teorikisht parlamenti është beteja e ideve, ne si mazhorancë do shtrojmë të gjithë argumentet tona pse ky vendim i presidentit është antikushtetues. Ky veprim i presidentit duhet të ketë një kundërpërgjigje. Kushtetua nuk thotë askund se Presidenti mund të ç’dekretojë dekretet. Akti i presidentit është krejtësisht nul”, deklaroi Xhaçka.
