Rama nuk njeh anullimin e zgjedhjeve, por dekreti është botuar në Fletoren Zyrtare/ Hyrja në fuqi

Presidenti Ilir Meta ka dekretuar dje anullimin e zgjedhjeve lokale më 30 qershor, ndërsa sot në fletoren zyrtare është botuar dekreti i tij.

Kjo do të thotë se zgjedhje më 30 qershor nuk do të ketë dhe çdo institucion është i detyruar të zbatojë dekretin, që ka hyrë në fuqi.

Pavarësisht qëndrimeve politike, duket se qeveria është e bindur se data për zhvillimin e zgjedhjeve është kompetencë e kryeministrit.

Kryeministri Edi Rama vijon të deklarojë se zgjedhjet do të mbahen më 30 qershor, por duket se deklaratat e tij, janë për konsum në rradhët e socialistëve.