Dy deputetë të opozitës së re kanë shprehur publikisht votën kundër shkarkimit të Metës, në rast të një votimi në parlament.
Lefter Maliqi shprehet se vota kundër do të ketë dhe mes Partisë Socialiste, ndërsa mocionin e mazhorancës e cilësoi një marrëzi.
“Edhe sot te Komisioni i Suigurisë Kombëtare një qetësi absolute, e kanë mendjen te kjo marrëzi e fundit e mazhorancës të cilët këkrojnë me një rezolutë tip mocioni të shkarkojnë Presidentin, gjë që nuk do të ndodhë. Propozimi dhe nëse votohet me 94 vota që jam i bindur që nuk do të votohet. Janë mbi 5 deputetë të PS që nuk do të votojnë shkarkimin e Presidentit. Ndërkohë që janë dhe pjesa më e madhe e deputetëve të opozitës nga kontaktet e mia që nuk votojnë shkarkimin e Presidentit pavarësisht nga lëvizjet e fundit që po bën mazhoranca për të kapur deputetët e opozitës së re por edhe ata që dyshohen me shenja pikësimi. Do të kërkoj të jem vetë në Komision. Dje dhe sot është ditë e qetë për gjithë shqiptarët dhe socialistët e ndershëm”.
Në të njëjtën linjë ishte dhe kryetarja e Komisionit të Medias Fatjona Dhimitri, e dalë nga lista e PD, e cila shtoi se shkarkimi i Metës u diskutua dhe gjatë konferencës së kryetarëve.
“Personalisht shprehem kundra mocionit për debat, sepse mendoj se nuk ka vend për debat lidhur me dekretin e Presidentit. Mendoj se dekreti nuk është antikushtetues”.
Përmes një statusi në facebook, edhe deputeti Ralf Gjoni shkruan se do të votojë kundër shkarkimit të presidentit, por nënvizon se vota e tij mbetet e kushtëzuar me ndryshimin e reformës zgjedhore.
