Zgjedhjet janë anuluar nga Presidenti Ilir Meta por kryeministri Edi Rama nuk e pranon një fakt të tillë edhe pse shfuqizimi i datës është botuar në fletoren zyrtare.
Nga Brukseli gjatë një konference për shtyp, Rama nuk pranoi të komentojë deklaratat e Metës, duke thënë se do të flasë për to kur të kthehet në Tiranë.
Gjatë konferencës në Bruksel me Presidentin e Komisionit Evropian, kryeministri Edi Rama është shprehur se tashmë është rradha e BE-së për t’i hapur dritën jeshile Shqipërisë për hapjen e negociatave.
Rama: Tashmë ka ardhur koha që Europa të bëjë atë që ne presim, për të na u njohur meritat tona dhe për të na u ndezur drita e gjelbërt. Nuk është fundi po fillimi për një kapitull të ri. Kjo do të kërkojë kohë. Ne nuk e bëjmë këtë se na u kërkua nga Bruksel por për të mirën e vendit tonë dhe për të mirën e fëmijëve tanë si dhe të një vizioni të përbashkët dhe se Shqipëria duhet të jetë për brezat e ardhshëm.
