Përgjimet e BILD, dekreti i Metës për shtyrjen e zgjedhjeve, kanë rënduar jashtëzakonisht shumë pozitat e kryeministrit Edi Rama dhe të Rilindjes në pushtet,.
Por ajo që e bën edhe më të vështirë situatën për Ramën është lufta brenda llojit që ka plasur brenda Rilindjes.
Këshilltari dhe njeriu më i afërt i kryeministrit Edi Rama, Baton Haxhiu, ndërsa tentonte të sulmonte presidentin Meta për shtyrjen e zgjedhjeve, ka treguar edhe ‘tradhtarët’ brenda Rilindjes, të cilët janë Peleshi, Ahmetaj dhe Bushati.
Sipas Haxhiut këtyre 3 ‘tradhtarëve’ ju intereson thellimi i krizës, pasi ata shpresojnë të rifitojnë privilegjet e humbura.
Ja çfarë shkruante Haxhiu:
Shqipëria për pothuajse 30 vite nuk ka arritur të prodhojë një klimë normale elektorale dhe një ambient të favorshëm demokratik. Pikërisht për shkak të njerëzve të politikës si Meta, Berisha dhe bashkëpunëtorëve të tyre të heshtur nga radhët e PS-së, si Ditmir Bushati, Niko Peleshi dhe Arben Ahmetaj. Këta të fundit, në mënyrë të heshtur, janë në pritje të thellimit të krizës së Ilir Metës në mënyrë që t’i rifitojnë privilegjet e humbura. Në fakt, vetë Bushati kur kishte humbur detyrën kishte dërguar një letër në Presidencë tek Meta, me vulë sekrete, kundër Ramës dhe Cakajt duke gënjyer me paturpësi. I njëjti ka vazhduar të flasë me pezëm e mëri kundër Ramës e Cakajt në vizitën e tij të fundit në Vjenë në kuadër të angazhimeve të tij në OSBE.
Mes rreshtave haxhiu pa dashje lë të kuptohet se edhe kërcënimet e Ramës për të shkarkuar presidentin Ilir Meta, janë një tjetër blof i madh, pasi për të marrë këtë vendim, duhen numrat në radhë të parë brenda parlamentit, për të mos folur më pas për inekzistencën e Gjykatës Kushtetuese. /Boldnews.al
