Avokati Altin Goxhaj shprehet se anëtaret e zgjedhur nga PS në KQZ, që injoruan vendimin e Presidentit Meta për shtyrjen e zgjedhjeve, mund të dënohen deri në 2 vite burgim.
“Denari dhe 3 denarët e tjerë mavi dënohen deri në 2 vjet burg sipas Nenit 246 ‘Përvetësimi i titullit apo i detyrës shtetërore’ të Kodit Penal”, shprehet Goxhaj.
Në një shënim në Facebook, ai shton:
Çfarë bëri Denari dhe e denarët e tjerë mavi të KQZ-së sot!
Sipas Kodit Penal dhe Kushtetutës, ata përvetësuan titullin dhe detyrat shtetërore të Gjykatësve dhe Gjykatës Kushtetuese duke e shoqëruar me kryerjen e veprimeve që i takojnë mbajtësit të titullit apo të detyrës së Gjykatësit të Gjykatës Kushtetuese! Sipas Kodit Penal kjo përbën kundërvajtje penale dhe dënohet me gjobë ose me burgim gjer në dy vjet.
Kodi Penal
Neni 246
Përvetësimi i titullit apo i detyrës shtetërore
Përvetësimi i një titulli apo detyre shtetërore i shoqëruar me kryerjen e veprimeve që i takojnë mbajtësit të titullit apo të detyrës, përbën kundërvajtje penale dhe dënohet me gjobë ose me burgim gjer në dy vjet.