Ka përfunduar edhe takimi i Edi Ramës me ambasadorët e BE-së dhe shefen e zyrës së Ambasadës së SHBA në Tiranë. Në takim ka qenë ambasadori i BE në Tiranë, Luigi Soreca, ambasadorja gjermane Sussane Schutz, ambasadorët e Britanisë, Francës dhe Italisë. Në takim ka qenë edhe kryediplomatja e SHBA në Tiranë, Leyla Moses Ones.
Takimi është thirrur menjëherë pas dekretimit të presidentit Ilir Meta për anulimin e datës së zgjedhjeve, 30 qershor. Para takimi me Ramën, ambasadorët e vendeve të BE-së, kanë zhvilluar një takim me kreun e delegacionit të BE-së në Tiranë, Luigi Soreca.
Në konferencë, Meta argumentoi arsyet se përse vendosi të shfuqizojë dekretin për zgjedhjet e 30 qershorit. Meta tha se nëse zhvillohen zgjedhjet në 30 qershor, cënohet siguria kombëtare. Ai renditi edhe precedentët në të kaluarën kur janë shtyrë zgjedhjet në vend, për të argumentuar se vendimi për shtyrjen e zgjedhjeve është një vendimmarrje kushtetuese. Kreu i shtetit i bëri thirrje palëve të dialogojnë dhe të bihen dakort për një datë të re.
Pas deklaratës së Metës, Rama mblodhi kryesinë e PS-së.
Kryesia e Partisë Socialiste ka vendosur të shkarkojë Ilir Metën nga posti i Presidentit pasi ky i fundi ç’derektoi 30 qershorin si datën e zgjedhjeje lokale. Vendimi u bë e ditur nga Elisa Spiropali. Ministrja e Shtetit për marrëdhëniet me Parlamentin, tha në një deklaratë për gazetarët pas mbledhjes se, Parlamenti do nisë të enjten procedurën e shkarkimit të Metës.
