Policia e Tiranës ka realizuar më sukses një operacion antidrogë i cili kishte të bënte me shpërndarjen e saj në doza të vogla.
Dy persona kanë rënë në pranga teksa dy të tjerë janë proceduar penalisht, ku njëri është shtetas italian.
Njoftimi i policisë:
Tiranë
Finalizohet një tjetër operacion antidrogë i koduar “Propocione”
Operacioni për goditjen e veprimtarisë kriminale të shpërndarjes së lëndëve narkotike në doza të vogla.
Arrestohen në flagrancë dy shtetas , si dhe procedohen penalisht edhe dy shtetas të tjerë(njëri prej tyre shtetas italian)
Sekuestrohen 974 gramë të ndara në propocione gati për shpërndarje.
Strukturat e Drejtorisë Vendore të Policisë Tiranë në vijim të punës për parandalimin e shpërndarjes së drogave të forta në doza të vogla, kanë zhvilluar dhe finalizuar një tjetër operacion të koduar “Propocione”, ku nga Seksioni për Hetimin e Narkotikëve në bashkëpunim me shërbimet e Policisë të Komisariatit nr 3, kanë bërë kapjen dhe arrestimin në flagrancë të shtetasve:
– S. K., 34 vjeç banues në Tiranë
– I. K., 24 vjeçe, banuese në Tiranë
Si dhe u proceduan në gjendje të lirë shtetasi P. Z., 23 vjeç lindur dhe banues në Itali dhe shtetasi L. Z., 27 vjeç banues në Tiranë.
Në rrugën “Muhamet Gjollesha”, gjatë kontrollit të ushtruar shtetasëve S.K dhe I.K, policia ju gjeti dhe sekuestroi në cilësinë e provës materiale 974 gramë lëndë narkotike e llojit Cannabis Sativa, ndërsa shtetasit P.Z dhe L.Z, kanë ndihmuar shtetasit e arrestuar për shpërndarjen e lëndës narkotike.
Materialet i kaluan Prokurorisë pranë Gjykatës së Shkallës së parë Tiranë për veprën penale “Prodhimi dhe shitja e narkotikëve”
