Një ngjarje e rëndë ka ndodhur në Angli, ku tre persona kanë gjetur vdekjen pasi kishin konsumuar sanduiçët e ofruar nga spitali, të cilët kishin qenë të infektuar me listeri.
Mediat angleze bëjnë me dije se tre pacientë të tjerë ndodhen në gjendje të rëndë.
Aktualisht është ndaluar prodhimi i sanduiçëve nga furnitorët e spitalit.
Ndërkohë që një hetim është hapur mbi rastin në fjalë, konfirmon autoriteti i Shëndetit Publik atje.
Kujtojmë që listeria është sëmundje përhapet në formë epidemie, përcjell Shekulli.
Mbetet e paqartë nëse do të ketë pacientë të tjerë të prekur nga listeria, pasi sëmundja shfaqet 70 ditë pas infektimit.
Dr. Kimon Andreas Karatzas, profesor i asociuar në mikrobiologjinë ushqimore në Universitetin e Reading, tha: “Kompania ka ndërprerë prodhimin dhe shpresojmë se kjo mund t’i japë fund shpërthimit të epidemisë. Megjithatë, për shkak të një periudhe relativisht të gjatë të inkubacionit është e mundur që potencialisht të ketë raste të tjera”.
