Rama i tregon Fatmirit dhe Lalit komplotin e “revizionistëve gjermanë”

Nga Boldnews.al

Kryeministri Edi Rama kafenë e mëngjesit zgjodhi që ta pijë me Fatmir Xhafajn dhe Erion Veliajn në krye të tavolinës, ndërsa përqark tyre një dekor me “qytetarë Rilindas” dhe zyrtarucë të majmur. Nuk ishte rastësi kjo lloj shfaqje e kreut të qeverisë që i pa në sy dy “kundërshtarët” e ditëve të tij të errëta, kur protestat e studentëve në fundin e vitit të kaluar, gati ua brejtën këmbët e karriges kryeministrore.

Dhe sot Rama është në pozita të njëjta, ku e “keqja” për të, por e mira për vendin, po i vjen nga Gjermania. Publikimi i gjashtë audiopërgjimeve nga tabloidi më i madh në Europë Bild, nga pjesë të dosjes 339 dhe 339/1 mes kryetrafikantit Astrit Avdylaj dhe zyrtarëve të lartë të Rilindjes, për Edi Ramën janë një baltë e blerë me para që i hidhet atij dhe bashkëpunëtorëve.

“Më skandaloze është balta e madhe që po hedhin lart e poshtë. Jo thjeshtë ne, edhe jashtë Shqipërisë, paguajnë bëjnë, hidh artikuj këtej, hidh artikuj andej. Tmerr i madh, në atë rast i ka marrë ai. Ajo gazetë merret me gjëra të tilla, i kanë çuar ata, i ka bërë puna e vet, por shumë angazhim, energji, tmerr i madh, e bënë copë Shqipërinë”-tha Rama. Ai po kërkon “komplotistët revizionistë” edhe nga jashtë vendit.

LEXO EDHE  E dhimbshme! 4 shqiptarë kapen te rrotat e kamionit/ Mbështjellë me karton për në Angli  

Nuk është e rastësishme që këtë “shqetësim” e ndau me ish-ministrin e Brendshëm Fatmir Xhafaj dhe kreun e Bashkisë së Tiranës Erion Veliaj. Ish-ministri po e konsideron veten si viktimë të “baltës së hedhur” brenda dhe jashtë vendit.

Praktikisht po shkojmë drejt një diktature edhe institucionale. Më 1 korrik të këtij viti nis “faza e parë” e shtetit njëpartiak. Kryeministri Edi Rama do i ketë tërësisht institucionet e vendit në duart e tij. Pas legjislativit, ekzekutivit dhe gjyqësorit, Shqipëria do të ngjyroset e gjitha mavi me 61 bashkitë vendit, duke i shtuar “Sulltan Ramës” edhe pushtetin lokal.

Padyshim që kjo çmenduri politike po shihet me shqetësim edhe nga faktori ndërkombëtar. Sinjalet janë të qarta se vendit tonë nuk do i hapen negociatat si vend kandidat për në BE edhe këtë vit. Nuk mund të pranojë Europa të afrojë në paradhomën e saj një vend që është në zgrip të totalitarizmit, pas gjashtë vitesh autoratirazimë të fortë të kryeministrit Edi Rama.

Këto janë edhe hapata e një sistemi njëpartiak. Më 1 korrik edhe zyrtarisht kemi kthyer kohën e para viteve 90’. Dikur ishte Partia e Punës e Shqipërisë, sot e shkuara kthehet, vetëm me ndryshim emri, PS, me në krye “shokun” Edi Rama.