Vazhdojnë përplasjet në distancë mes kryebashkiakes së Shkodrës, Voltana Ademi dhe kryeministrit Rama
Ademi i ka habitur të gjithë, jo me ndonjë deklaratë për këtë të fundit, por për protestat që opozita zhvillon.
E ftuar në një studio televizive, Voltana Ademi ka thënë që merr pjesë në protestat e opozitës dhe proteston fort. Madje ajo shkon deri aty sa thotë se do të donte të gjuante me molotov, nëse do i jepej mundësia.
“Sigurisht që unë shkoj në Tiranë dhe shkoj dhe protestoj fort. Po të kisha edhe unë molotov edhe unë do të gjuaja me molotov. Pra, që do të thotë, unë nuk di të gjuaj me molotov, pavarësisht se në shkollë kena ba dhe ushtarake por na qëlloi që të ndryshonim sistemin, shyqyr Zotit, edhe nuk e kam pasur këtë mundësi. Por, qejfi dhe dëshira…kur je aty në protestë do me dhënë gjithçka nga vetja”, shprehet kryebashkiakja e Shkodrës.
Pas kësaj deklarate ka reaguar dhe kryeministri Rama në fjalimin gjatë fushatë elektorale në Cërrik ku shprehet:
“Sa shumë i pëlqente molotovi dhe sa shumë donte ta kishte një molotov në dorë. Si mund të flasë kështu një kryetar bashkie, shikoni Shkodrën 30 vjet në drejtimin e tyre, shikoni Vlorën në katër vjet që ne përputhëm programin e zhvillimin në komunitet dhe zhvillimin urban dhe fuqinë për ta pasur në dorë qeverinë.” -shprehet Rama.