Koha e fjalëve ka mbaruar, por edhe ata që kërkojnë prova të tjera duhet të mbyllin gojën. Është ky reagimi i ish-deputetit Oerd Bylykbashit, i cili në zgjedhjet e 2017, kryesonte listën e kandidatëve të PD-së në qarkun e Durrësit.
Duke reaguar ndaj përgjimeve të publikuar në Bild, Bylykbashi shkruan në një postim në rrjet se sot është stërprovuar që jo thjesht ka rënë shteti, por që është kalbur dhe krimbur.
“Shqiptarëve u është marrë sovraniteti që ushtrojnë me votë. Ka ardhur koha ta marrin mbrapsh përndryshe Kushtetuta është një gënjeshtër e madhe!”, shkruan Bylykbashi.
Reagimi i Oerd Bylykbashit:
Nuk ka ngelur me gje per te thene!
Thame qe votat blihen. Ku i keni provat thane. Por ODIHR tha qe shitblerja e votes eshte problemi kryesor.
Thame qe votat i blejne kriminelet per Edi Ramen. Ku i keni provat thane. Po ja ku dolen pergjimet e Avdylajve me Gjush e kompani.
Thame qe administrata vihet nen presion. Ku i keni provat na thane. Veçse ODIHR tha qe eshte problemi tjeter kryesor i zgjedhjeve. Por ja ku dolen edhe pergjimet si administrata mblidhet dhe shkundet nga Avdylajt.
Thame qe zgjedhesit vihen ne presion. Ku i keni provat thane. Ama ODIHR e rendit si problem prioritar cenimin e lirise se zgjedhesve. Po ja ku na dolen perseri pergjimet qe provojne presionin mbi zgjedhesit.
Thame qe sekreti i votes cenohet nga kriminelet. Ku i keni provat thane. Po jo me kot ODIHR rendit cenimin e sekretit si problem prioritar. Dhe perseri pergjimet tregojne se si kriminelet kerkojne parate mbrapsh sepse kane pare qe zgjedhesi nuk kishte votuar sic premtoi.
Thame qe kriminelet kane caktuar deputetet e Partise Socialiste. Ku i keni provat thane. Por perseri pergjimet treguan se si kriminelet caktuan deputetet.
Ne nuk kemi cfare themi me shume. Koha e fjaleve ka mbaruar. Po edhe ata qe kerkojne prova te tjera duhet te mbyllin gojen.
Po fundja ne thame edhe qe Rama futi kriminelet ne parlament ne 2013 dhe se kanabizoi te gjithe vendin. Ku i keni provat thane edhe atehere. Por u provuan te tera.
Sot eshte sterprovuar qe jo thjesht ka rene shteti, por qe eshte kalbur dhe krimbur. Shqiptareve u eshte marre sovraniteti qe ushtrojne me vote. Ka ardhur koha ta marrin mbrapsh perndryshe Kushtetuta eshte nje genjeshter e madhe!
