Pas deklaratës së Prokurorisë për Krime të Rënda se kanë dyshime për mënyrën sesi janë nxjerrë përgjimet, ka reaguar ish-ministri i Drejtësisë Ylli Manjani.
Përmes një postimi në rrjetet sociale, Manjani ngre pyetjen: “Cilat janë materialet e dosjes hetimore 339 që nuk duhet publikuar?!”.kjo është mënyra abuzive e zbatimit të ligjit.
“Një gjë nuk e kuptoj, cilat janë materialet e dosjes hetimore 399 që nuk duhet publikuar?!
Dmth gazetarët si presupozohet që ta dinë nëse një përgjim është i dosjes 399 apo jo?! A është konfidenciale dosja hetimore?!
Dmth arrij të kuptoj që urdhëri i ndalimit të publikimit mund të zbatohet ndaj prokurorëve, policëve gjyqsor, avokatëve dhe personave nën hetim të kësaj dosje, por ndaj gazetarëve si do zbatohet?!
Natyrisht e vetmja mënyrë është mënyra abuzive e zbatimit, sepse llogjikë nuk ka. Gazetarët nuk kanë si ta dinë se një material është në dosje hetimore ose jo. Atyre u intereson vetëm lajmi.
Le pastaj ndalimin e gazetarit të BILD, se është komplet qesharake… As në gjendjen e jashtëzakonshme ku gjeneral ishte Gazidede nuk doli një urdhër i tillë të ndalohen gazetat e huaja…”, shkruan Manjani në reagimin e tij
