Milva Ekonomi, deputete e PS-së, tha se mënyra sesi po shkohet drejt zgjedhjeve është shumë e nderë.
Sipas saj, PS po shkon drejt zgjedhjeve, ndërsa PD ka vendosur të mos shkojë në zgjedhje, të bëjë protesta, që në fund mbyllen me dhunë.
Në emisionin “Tempora”, Ekonomi tha se duket se partitë i kanë skenarët, njëra do të shkojë në zgjedhje dhe tjetra jo.
“PD po i bie me kokë murit të demokracisë, vendosi të largohet nga zgjedhjet. Nuk besoj se PS duhet të gjejë përgjegjësi lidhur me situatën e krijuar, pasi jemi munduar të gjejmë mundësi komode për dialog me opozitën”, tha Ekonomi.
Deputetja e PS pohoi se në disa bashki ka votime pa zgjedhje, ndërsa në disa të tjera qytetarët kanë alternative, si në rastin e Bashkisë së Durrësit.
“Në Tiranë ju mund të shkoni të votoni atë kandidat që është, ose mos shkoni të votoni”, tha Ekonomi, duke iu përgjigjur pyetjeve.
