“Komunitetet fetare gjithmonë kanë qenë të gatshëm për të shprehur mendimin e tyre për situatën”. Kështu deklaroi në “Dritare me Rudinën” në Neës24, Kryetari i Komunitetit Mysliman Shqiptar, Hirësia e tij e Naltë Haxhi Bujar Spahiu. Ai apeloi për shmangien e dhunës dhe uljen në dialog. Spahiu tha se lutjet e tij janë për kthjelltësi tek politikanët.
“Në lidhje me çeljen e negociatave, dy herë radhazi jemi shprehur që të shmanget dhuna, të ulen gjakrat, të ulen të dialogojnë sepse interesat e shqiptarëve janë më lart se çdo interes tjetër. Shpresojmë që edhe këto që po shohim në ekran të mos ndodhin në Shqipërinë tonë, që po shkon drejt BE, që është një prioritet kombëtar, pa kthim pas. Ne gjithsesi kemi lutjen dhe lutemi që të çojë në mendjet e tyre kthjelltësinë e dashurinë dhe të shmangen këto gjëra. Populli shqiptar ka ditur gjithmonë që të reflektojë drejt, në mënyrën e duhur, në lidhje me problematikat që po jetojmë. Shpresojmë të shmangen dhe të arrihen gjërat që meritojnë”, tha Kreu i KMSH.
