Enkelejd Alibeaj, ish-deputet i PD-së, ka reaguar përmes një postimi në rrjet lidhur me protestën e djeshme të opozitës dhe pretendimet e ministrit të Brendshëm, Sandër Lleshaj, për dhunën e ushtruar ndaj policisë.
Alibeaj shkruan se nuk ka njeri në Shqipëri që i ka dhunuar më shumë policët se Edi Rama, duke i kthyer ata në shërbim të krimit, roje dhe punonjës ngarkim shkarkimi të drogës.
Postimi i Enkelejd Alibeaj
Nuk ka njeri ne Shqiperi qe i ka dhunuar me shume policet sesa Edi Rama duke i kthyer ata ne sherbim te krimit, roje dhe punonjes ngarkim shkarkimi te hashashit, heroines dhe kokaines.
Policia qe drejtohet nga te inkriminuar do te clirohet bashke me gjithe popullin nga zgjedha e krimit dhe te korruptuarit.
Policia eshte e popullit dhe jo kunder popullit, qeveria eshte e krimit kunder policise dhe popullit te saj. Populli eshte ne kembe per t’i kthyer dinjitetin dhe policise se shtetit, prandaj ne jemi me ta ne krah dhe mbrojtje te tyre.
Ndryshe nga kjo qeveri qe, kur ishte ne opozite, dhunonte policine, Lulzim Basha dhe PD ne çdo proteste kane qene ne mbrojtje te policeve me thirrje te hapura dhe me veprime konkrete, edhe pse protestuesit jane dhunuar dhe provokuar vazhdimisht nga police te infiltruar civile prej shefat e tyre te inkriminuar.
