Zbardhen emrat e dy shqiptarëve të arratisur nga një burg në Athinë.
Mediat greke, raportojnë se të arratisurit janë Endrit Bocaj dhe Xhelo Hasani.
Sipas mediave greke ata fillimisht kanë thirrur rojet për ndihmë kur një prej tyre u shtri përtoke duke ulëritur me pretendimin se ishte i sëmurë.
Sapo rojet hynë në qeli, ata i kërcënuan me një thikë të improvizuar, ndërsa i kanë çarmatosur dhe më pas me armët që i rrëmbyen policëve, kërcënuan kolegët e tyre.
Sipas policise, të arratisurit, ishin dy shqiptarë dhe dy gjeorgjanë, por ka raportime të tjera se të arratisurit janë të gjithë shqiptarë.
Ata ishin arrestuar për grabitje me armë.
Sipas raportimeve, 4 të burgosurit ndodheshin në burg në pritje të transferimit, ndërsa u larguan me një automjet të policisë, të cilën e braktisën pak më vonë.
Mediat greke raportojnë se policia ka qëlluar me armë në drejtim të tyre, por pa mundur t’i ndalojë.
